Басты Жаңалықтар Ақтөбеде көлік жөндеу орталығында жарылыс болды

Ақтөбеде көлік жөндеу орталығында жарылыс болды

22.02.2022 13:00

Бүгін таңертең Ақтөбедегі көлік жөндеу орталықтарының бірінде жарылыс болды. Салдарынан үйінді астында қалған күзетші жан тапсырған.

Жақсыбек Кемал, тілші:

Бұл нысан Кеңес Нокин көшесінде орналасқан. Төтенше жағдайлар департаменті мамандарының айтуынша, газ баллоны жарылған. Яғни, нысан ішіндегі көліктердің бірінің газ жабдығында ақау болған деген болжам бар. Жарылыстың қатты болғаны соншалық, бетоннан салынған ғимарат опырылып құлаған. Өкінішке орай, 68 жастағы күзетші көз жұмды.

Әзірге шығын көлемі белгісіз. Анығы - 11 көлікке зақым келген. Оның көбі іске жарамсыз болып қалған. Бүлінген аумақ 600 шаршы метр. Қазір оқиға орнында Төтенше жағдайлар департаменті мен полицейлер жұмыс істеп жатыр.

Жақсыбек Кемал

Автор

Жақсыбек Кемал

Бөлісу