Сыр өңірінде эпидахуал оңалып келеді

Сыр өңірінде індеттің беті қайтып, эпидемиологиялық ахуал оңалып келеді. Өткен тәулікте тек бір адамнан коронавирус анықталған. Аймақ тұрғындарының жаппай екпе салдыруының арқасында жұқпалы кеселге қарсы иммунитет қалыптасты дейді мамандар.

Жалпы бүгінге дейін облыста 423 мың адам ерікті түрде екпе алған. Көрсеткіш бастапқы белгіленген межеден де асып түсті. Соның ішінде, 111 мың тұрғын вакцинаның үшінші дозасын да алып, ревакцинациядан өтіп үлгерген. Сондай-ақ, жүкті әйелдер мен жасөспірімдерге арналған «Pfizer» вакцинасын алғандардың саны 50 мыңға жуықтады.

Жангелді Шайымбетов, Облыстық Денсаулық сақтау басқармасы басшысының орынбасары:

«Pfizer» вакцинасы бойынша жасөспірімдер бізде 43175, жүктілер 2104 және емізуші аналар 4231 қазіргі таңда алып отыр. Пайыздық көрсеткіші 50,7 пайызды құрап, республикалық көрсеткіште 4 орында келе жатырмыз.

Әділбек Серікұлы