Павлодарда тұрғындардың 69 пайызы екпенің екінші компонентін салдырды

Павлодар өңірінде 345 мыңнан аса адам коронавирусқа қарсы екпенің екінші компонентін салдырды. Бұл вакцина алуға тиісті тұрғындардың 69 пайызы. Осының нәтижесінде аймақта ковид жұқтырғандар саны азайып келеді. Мәселен, соңғы тәулікте 285 адамнан вирус анықталған. Ал, жазылып шыққандар саны 800-ге жуықтады. Бір айта кетері індеттің жүкті әйелдер мен балалардың арасында тез таралатыны байқалып отыр. Қазіргі уақытта 300-ге жуық аяғы ауыр келіншек ем қабылдап жатыр. Олардың 7-і соңғы тәулікте анықталды.

Болат Аманбаев