Жаңалықтарды Telegram арнамыздан оқыңыз!Қызылорда облысы эпидемиологиялық ахуал бойынша «жасыл» аймаққа өтті. Өңірде коронавирустың таралуы төмендеп, жағдай тұрақталып келеді.
Вирус жұқтырғандар саны қаншалықты азайды?
Әділбек Серікұлы, тілші:
Қаңтар айында бір тәулікте 200-ден аса адам коронавирусқа шалдықса, қазір бұл көрсеткіш күрт төмендегені байқалады. Мәселен, кеше 38 жағдай тіркелген. Оның көбінде ауру белгілері симптомсыз. Қазір облыстағы ауруханаларда індет жұқтырған 222 науқас ем алуда. Стационарлардағы жүктеме 22 пайызды құрап отыр. Бүгін Сыр өңірі «жасыл» аймаққа өтті. Ал карантиндік талаптар бұған дейін де айтарлықтай жеңілдетілген болатын. Қазір «ASHYQ» бағдарламасымен жұмыс істейтін барлық нысанға уақыт шектеуі алынып тасталды. Алдағы аптада облыста эпидахуалдың тұрақтылығы сақталса, «жасыл» аймақ тәртібіне сай карантиндік шектеу азаяды.
