Жаңалықтарды Telegram арнамыздан оқыңыз!Жамбыл облысында тағы да қару-жарақ табылды. Атыс қаруларын белгісіз біреулер Тараз қаласындағы қараусыз ғимарат ішіне жасырған.
Жедел іздестіру операциялары қалай жүргізілуде?
Нұрдос Болатұлы, тілші:
Жамбыл облысында тәртіпсіздік кезінде жоғалған, ұрланған қару-жарақтарды іздестіру жұмыстары әлі жалғасып жатыр. Күні кеше полиция қызметкерлері қала аумағындағы қараусыз қалған ғимараттардың бірінен жасырылған атыс қаруларын тапты. Ол жерден «Калашников» маркалы бір автомат, 1 травматикалық тапанша, оқжатар және 1 жарық-шулы граната тәркіленді. Сот-баллистикалық сараптама тағайындалды. Жалпы, өңірде жедел іздестіру шаралары нәтижесінде 300-ге жуық қару-жарақ табылды. 74 адам қылмыстық жауапкершілікке тартылған. Ал қалалық Полиция басқармасы қарудың, оқ-дәрілердің, арнайы құралдардың орны туралы хабарлаған немесе оларды полицияға өз еркімен тапсырған адам қылмыстық және әкімшілік жауапкершілікке тартылмайтынын хабарлайды.
