Қызылорда қаласында қоғамдық көлік қатынасын реттеуге 1 млрд теңге субсидия беріледі

Қызылорда қаласында қоғамдық көлік мәселесін шешу үшін бір миллиард теңге субсидия бөлінетін болды. Енді қалаішілік 26 бағыт бойынша қатынайтын автобустарға қосымша қаржы беріледі.

Бүгінде шаһарда 400-ге жуық қоғамдық көлік халыққа қызмет етеді. Мемлекеттік меншіктегі «Қызылорда автобус паркінен» күнделікті үлкен сыйымдылықты небәрі 60 автобус жолға шығады. Яғни, 32 бағыттың тек 5-еуін ғана қамтып отыр. Сол себепті, тұрғындар тарапынан да шағым көбейген. Мәселені оңтайлы шешу үшін жергілікті әкімдік 1 миллиард субсидияның біршама бөлігін жеке тасымалдаушыларға беруді ұйғарды.

Бауыржан Оспанов, қалалық ТҮКШ жолаушылар көлігі және автомобиль жолдары бөлімінің басшысы:

Бұл уақытқа дейін мұндай мәселе шешім таппаған. Қазіргі таңда жеке тасымалдаушыларға 396 млн теңге бөлініп, тиісті құжаттар рәсімделіп болған соң бұл жүйені іске қосатын боламыз.

Әділбек Серікұлы