Қостанайда 40 интернет алаяқтық дерегі тіркелді

Елімізде интернет алаяқтығы тыйылмай тұр. Қостанай облысында жыл басталғалы осы қылмыс түрінің 40 оқиғасы тіркелген. Одан тұрғындардың шеккен шығыны 8 млн теңгеден асып жығылды. Әлеуметтік желіні жайлаған алаяқтар көпшілікті, аз қаржы салып еселеп пайда табуға болатын жалған ұсыныстарымен тұзаққа түсіреді.

Мысалы, 11 қаңтарда 1 азаматша ғаламтордан бизнеске қаржы салу туралы тиімді хабарландыруды көреді. Ол интернет алаңға тіркелгені үшін 64 000 теңге төлеп, бизнес бастау үшін 2 млн теңге несие алады. Осы ақшаның бәрін өз есепшоттарына аудартқасын алаяқтар бірден ізін суытқан.  

Нина Ахмадиева, облыстық Полиция департаменті киберқылмысқа қарсы күрес бөлімінің қызметкері: 

Сонымен қатар, банктің қауіпсіздік қызметінен хабарласқан болып азаматтардың төлем картасындағы қаржыны үптеп кететіндер көп. Облыста 7 адам осындай жағдайдың құрбаны болып 5 млн теңгеден астам қаржыны белгісіз біреулердің есепшотына аударған. Полиция азаматтарға күдікті қоңырау мен хабарламалар туралы бірден банкке хабарласуға кеңес береді.

Дәуренбек Әбдібек