Жаңалықтарды Telegram арнамыздан оқыңыз!Ақтөбе облысында боранда жолда қалған 33 адам құтқарылды. Оның бесеуі бала.
Ауа райының қолайсыздығынан өңірде бірнеше бағыттағы жолдар жабылды.Төтенше жағдайлар департаментінің қызметкерлері жолда қалған 8 техниканы қауіпсіз жерге шығарды. Әсіресе, Ырғыз, Хромтау аудандарынан шақыртулар көп болған. Нәтижесінде 33 адам құтқарылып, тағы 12-сі эвакуацияланды. Сондай-ақ, Қарғалы ауданында босанғалы жатқан әйелге жете алмай қалған жедел жәрдем көлігіне де көмек көрсетілді. Нәтижесінде сәбиі аман-сау дүниеге келді.
Нұрбек Оралбаев, Төтенше жағдайлар департаментінің бас маманы:
23 сағат 59 минутта Хромтау ауданы, Никельтау ауылы аумағында 5 автокөлік қар құрсауында қалып қойғандығы туралы хабарлама келіп түсті. Барлығы төтенше жағдайлар қызметкерлерімен және «Қазавтожол» қызметкерлерімен, техникаларымен қар құрсауынан босатылып, одан әрі қозғалысын жалғастырды.
Жақсыбек Кемал
