Басты Жаңалықтар Семейде «Қазақстан наны» атты фестиваль өтті

Семейде «Қазақстан наны» атты фестиваль өтті

17.04.2014 08:00

Семейде Қазақстан халқы Ассамблеясының ХХІ сессиясының қарсаңында «Қазақстан наны» атты фестиваль өтті. Оған қаладағы ұлттық мәдени орталықтар қатысып, түрлі нан тағамдарынан көрме ұйымдастырды.

Басты мақсат- елімізде тұратын ұлттардың татулығын нығайтып, салт-дәстүрін дәріптеп, бірлік пен ынтымақты насихаттау. Шараға қатысқан әрбір мәдени орталық келушілерге ас атасының алуан түрінен дәм татқызды. Тағамды дайындау мен оны ұсынудағы ұлттық ерекшелігін көрсетті. Шара ән мен биге ұласып, концертпен жалғасын тапты.

Шолпан Балғозина, Семей қалалық Достық үйінің директоры:

Кезінде басқа ұлттың өкілдері Қазақстанға келгенде, қазақтар ауыздарынан жырып, бір тілім нанды бөліскені әрқашанда олардың естерінде қалған. Сондықтан біз бұл мерекемізді «Қазақстан наны» деп өткізіп отырмыз.

Ержан ЖАҚЫП

Автор

Ержан Жақып

Бөлісу