Жаңалықтарды Telegram арнамыздан оқыңыз!Алматы, Ақтөбе қалалары мен Алматы облысында жағдай қалпына келтірілді. Төтенше жағдай режимі нәтиже берді. Президент Қасым-Жомарт Тоқаев Қазақстан халқына үндеуінде осылай деді. Еліміз бойынша конституциялық заңдылық орнатылғанын айтып, төтенше жағдайдың себеп-салдарына тоқталды. Құқық қорғау органдары мен армияның іс-қимылына, сондай-ақ ведомствоаралық үйлесіміне қатысты мәселе көп екенін жеткізді. Осы оқиға кезінде арнаулы жасақ пен құрал-жабдықтардың жетіспейтіні белгілі болды. Сондықтан мәселені шұғыл шешу керек.
Президент терракт жасау туралы жоспардың жасырын дайындалғанын мемлекет қалайша білмей қалғанын сынға алып, бүге-шүгесін анықтау керек деді. Алматының өзіне 20 мыңдай содыр шабуыл жасаған. Террористер мемлекеттік және жеке азаматтардың дүние-мүлкіне залал келтіріп, азаматтарға қарсы қару қолданды. Сондықтан құқық қорғау органдары мен армияға лаңкестерге қарсы ескертусіз оқ атуға бұйрық бергенін жеткізді. Қасым-Жомарт Тоқаев төтенше жағдай кезінде қаза тапқан азаматтардың отбасыларына қайғыра көңіл айтып, қазақстандықтарды сақтық танытып, елімізге деген адалдықты сақтап қалуға үндеді.
