Жаңалықтарды Telegram арнамыздан оқыңыз!Шымкент қаласында эпидемиологиялық ахуалға байланысты карантиндік шектеу мерзімі тағы да ұзарды. Мегаполистің бас санитарлық дәрігерінің қаулысында «Ashyq» жобасын қолданбай жұмыс істейтін орындарда көпшіліктің жиналуына тыйым салынған.
Мұндай жерлерде тұрғындар маска тағу, арақашықтықты сақтау және антисептик пайдалануға міндетті. Ал шаһар басшылығына көпшілік жиналатын орындарда күнделікті залалсыздандыру жұмыстарын жүргізу жүктеліп отыр.
Жаңа қаулыға сәйкес енді таңертең және кешкі уақыттағы қарбалас кезінде қоғамдық көліктер саны көбейтіледі. Бұл транспортта жолаушылар шоғарын азайту үшін жасалуда. Санитарлық талаптар аймақта эпидемиологиялық ахуал тұрақталғанға дейін сақталады.
Ғани Қалмаханов
