Қостанай облысында ішімдік ішкен мектеп директоры оқушыны қағып кетті

Қостанай облысында ішімдік ішіп көлік жүргізген мектеп директоры оқушыны қағып кетті. Оқиға Жанкелдин ауданының орталығы Торғай кентінде болған. «Volkswagen Polo» көлігін тізгіндеген мектеп басшысы 14 жастағы жастағы қыз баланы соққан. Дереу аудандық ауруханаға жеткізілген жасөспірімнің қатты қорқып қалғаны болмаса, денсаулығы мен өміріне еш қауіп жоқ. Дәрігерлер қараған соң ол үйіне жіберілді. Медициналық тексеру көлік жүргізушісінің алькогольді ішімдік ішкенін анықтады. Енді ол әкімшілік жауапқа тартылып, басшылық қызметінен босатылуы мүмкін.

Дәуренбек Әбдібек