Қостанайда 300 отбасыға жаңа пәтер берілді

Қостанайда Тәуелсіздік мерекесі қарсаңында 300 отбасы жаңа пәтерлерге қоныстанды. «Береке» шағын ауданындағы көпқабатты тұрғын үй «Нұрлы жер» бағдарламасымен салынған. Жалпы Тәуелсіздік жылдары Қостанай облысында 6,3 млн шаршы метр тұрғын үй тұрғызылып, 63 мыңнан аса азамат жаңа баспанаға ие болды. Тек биылдың өзінде аймақта көлемі 449 мың шаршы метрді қамтитын баспана бой көтерді.

Сәкен Сүйінов, қала тұрғыны

Үш бөлмелі пәтердің кілтін алып жатырмыз. Құрылыс сәуірде басталды. Желтоқсанның соңына салынып бітуі тиіс еді. Міне мереке қарсаңында кілтін алып отырмыз. Өте қуаныштымыз.

Дәуренбек Әбдібек