Жаңалықтарды Telegram арнамыздан оқыңыз!Қостанай облысында «Қазпошта» қызметкері зейнеткердің есепшотынан 440 мың теңгені жымқырған. Лисаков қаласына қарасты Октябрь ауылындағы пошта бөлімінің басшысы өзінің жымысқы әрекетін 9 ай бойы жүзеге асырып келіпті. Ол үшін клиенттер жайлы ақпарат сақталатын бағдарлама қолжетімді болған.
Соны пайдаланып, бөлім басшысы зейнеткердің орнына өзі қол қойып, оның есеп-шотындағы ақшаны бірнеше рет алған. Әрекеті әшкере болған соң іс сотқа жетіп, оған екі жыл мерзімге бас бостандығын шектеу жазасы тағайындалды.
Дәуренбек Әбдібек
