Павлодарда мемлекеттік қызметкер мас күйінде көлік жүргізген

Павлодар облысында көлікті мас күйінде жүргізген 2 мемлекеттік қызметкер ұсталды. Олардың бірі - Железин аудандық әкімшілігі аппаратының бас маманы. Ол 7 жылға жүргізушілік куәлігінен айырылып, 15 тәулікке қамалды. Жұмысынан қуылды.

Ал екіншісі Дін істері жөніндегі басқармада жұмыс істейтін болып шықты. Бірақ сотта «еш жерде жұмыс істемеймін» деген. Оның бұл әрекеті енді тәртіптік кеңесте қаралмақ.

Соңғы тәулікте Павлодар облысында мас күйінде көлік жүргізген 14 адам ұсталды. Олардың бірі - Тереңкөл аудандық ауруханасының жедел жәрдем жүргізушісі.

Болат Аманбаев