Жаңалықтарды Telegram арнамыздан оқыңыз!Үкімет басшысы Асқар Мамин Экономикалық ынтымақтастық ұйымы елдерінің жоғары деңгейдегі көлік-транзиттік саясат жөніндегі арнайы кеңесін құру туралы бастама көтерді. Осы арқылы өзекті мәселелерді шешу бойынша келісілген жұмыстар әзірленеді. Бұл туралы Премьер-министр Ашхабадта өткен Экономикалық ынтымақтастық ұйымының саммитінде айтты.
Үкімет басшысы азық-түлік саудасында оффтейк келісімшарттарды кеңейту мен халықарылық ұйымның азық-түлік қауіпсіздігі бағдарламасын әзірлеуді де ұсынды. Саммит аясында Асқар Мамин Түрікменстан Президенті Гурбангулы Бердымухамедовпен кездесті. Тараптар сауда-экономика, инвестиция, энергетика сынды бірқатар салалардағы ынтымақтастықтың келешегін талқылады.
