Басты Жаңалықтар Семейде ерекше Құран кітабы бар

Семейде ерекше Құран кітабы бар

28.02.2014 05:30

Семейдегі Достоевский әдеби-мемориалдық мұражайында ерекше көрме ашылды. Онда орыстың жазушысы Семейде тұрған кезіндегі тарихқа қатысты 100-ден астам құнды жәдігер қойылды.

Арасында көпшілікті таңқалдырған айрықша заттар да бар. Мәселен, 1874 жылы ас әзірлеуде қолданылған «миксердің» алғашқы үлгісін де көруге болады. Жәдігерлердің денін қала тұрғындары тапсырған.

Тағы бір ерекше экспонаттардың қатарында сіріңке қорабының жартысындай ғана Құран кітап бар. XIX ғасырда жасалған кітапша қаладағы бір әулетте ұрпақтан-ұрпаққа мұра болып келе жатқан құндылық көрінеді.

Көрменің болатындығын естіп, Құран кітапты иесі көпшілікке таныстыру үшін уақытша тапсырған.

Ирина Соловьева, мұражайдың ғылыми-экспозициялық бөлімінің меңгерушісі:

600-ге жуық беттен тұрады. Өте жақсы сақталған. Ашсақ, ішіндегі араб тіліндегі жазуларды оқуға болады. Нақты қай жерде және қай жылы басылып шыққандығын білмейміз.

Ержан ЖАҚЫП

Автор

Ержан Жақып

Бөлісу