Жаңалықтарды Telegram арнамыздан оқыңыз!Болгарияның батысында автобус апатынан 45 адам қаза тапты. Марқұм болғандардың арасында 12 бала бар. Автобуста бас-аяғы 52 жолаушы болған. Олардың жетеуі өртке оранған көліктің терезесін сындырып, жерге секіріп түсіп, аман қалды.
Жолаушылардың барлығы - Стамбулдағы демалыстан кейін Солтүстік Македонияға бара жатқан туристер. Жапа шеккендер ауруханаға жеткізілді. Көбінің беті мен тыныс алу жолдарын күйік шалған.
Қайғылы оқиға ел астанасы Софияға жақын орналасқан ауыл жанындағы автострадада болған. Автобус жолдың жиегіндегі темір қоршауға соғылып, өртенген. Тергеушілердің мәліметінше, апатқа жүргізушінің қатесі немесе техникалық ақау себеп болуы мүмкін.
