Шымкентте 173 адам «Рfizer» вакцинасын cалдырды

Шымкентте коронавирус инфекциясына қарсы «Pfizer» препаратын 173 адам салдырды. Оның 133-і жасөспірім, 28-і жүкті және 12-сі емізулі баласы бар әйелдер. Қалалық Денсаулық сақтау басқармасының басшысы Бақытжан Позиловтың айтуынша, екпе алғандардың денсаулығында кері реакция байқалмаған. Арнайы дайындықтан өткен дәрігерлер екпе алдында тұрғындарды медициналық тексеруден өткізіп, қарсы көрсетілімдері болмаған жағдайда ғана екпе егуде. Қалаға бүгінге дейін «Pfizer» вакцинасының 46 мың 800 дозасы жеткізілді

Бақытжан Позилов,  Денсаулық сақтау басқармасының басшысы:

Бұл вакцинаның бәрі тек қана ата-аналардың келісімімен ғана салынады. Арнайы құжат толтырылады. Содан соң ғана вакцина салынады. Одан бөлек ата-ана баласына вакцинаны мектепте емес, емханада салдарын десе, өз еркі.