Жаңалықтарды Telegram арнамыздан оқыңыз!Алғашқы көктайғақ «ҚазақАвтоЖол» ЖШС-нің Павлодар филиалы қысқы маусымға толық дайын еместігін әшкерелеп берді. Тіпті жергілікті полиция тарапынан тергеу басталды. Естеріңізге сала кетейік, Павлодар-Успенка тасжолы бойында қарсы келе жатқан екі жеңіл көлік соғылып, зейнет жасындағы ерлі-зайыптылар қайтыс болды. Тағы екі адам ауыр халде жатыр. Оқиға орнында сараптама жүргізген полиция департаменті бүгін жантүршігерлік апаттың басты себебі жолдың қардан уақытылы тазаланбауынан деген ұйғарым жасады.
Жасқайрат Қайыров, Полиция департаменті бастығының бірінші орынбасары:
«ҚазақАвтоЖол» ЖШС-і апат болған аумақтың қауіпсіздігіне жауапты мекеме ретінде міндеттемесін орындамаған. Сол күні борандатып, қар жауды. Дер кезінде тазаланбағандықтан, мұзға айналған. Осыған қатысты ҚР Қылмыстық кодекстің 345-бабының 4-тармағы бойынша қылмыстық іс қозғалды.
