Жаңалықтарды Telegram арнамыздан оқыңыз!Қасым-Жомарт Тоқаев Түркі кеңесі саммитінің аясында Венгрияның премьер-министрі Виктор Орбанмен келіссөз жүргізді. Кездесу барысында тараптар сауда-экономикалық, инвестициялық, мәдени-гуманитарлық салалардағы қазақ-мажар ынтымақтастығының дамуын талқылады.
Пандемияға қарсы күрес шаралары мен климаттың өзгеруіне қатысты мәселелер де қозғалды. Ауғанстандағы жағдай бойынша да пікір алысты. Кездесу соңында Виктор Орбан президентті келер жылы Венгрияға сапарлауға шақырды.
