Қызылорда облысында электр энергиясы шектеумен беріледі

Электр энергиясының тапшылығына байланысты Қызылорда облысында жарық шектеумен берілетін болды.

Энергетиктер қараша айынан бастап осындай қадамға баруға мәжбүр. Жалпы облыс электр қуатының 65 пайызын сырттан алады. Ал негізгі тасымалдаушы Екібастұздағы және Мойнақтағы электр станцияларында қазір қуат өндіру азайған. Сол себепті, облыстың басым бөлігінде кешкісін жарық 2 сағатқа өшеді. Сала басшылары бұл мәселе министрлікте талқыланып, бірер аптада жағдай реттеліп қалуы мүмкін дейді.

Мұхиджан Кәрімбаев, «Қызылорда электр тарату тораптары» АҚ басқарма төрағасы:
Қызылорда аймағында 25-тен 40 МВ дейін жетіспейді электр энергия. Біз енді шектеуді жылу өндіретін қондырғылар жоқ жерлерде жасап жатырмыз. Енді осы аптада Жамбыл ГРЭС-нің бір болгы қосылу керек.

 Әділбек Серікұлы