Жаңалықтарды Telegram арнамыздан оқыңыз!«Абай» шахтасында қаза тапқан кеншілердің отбасына өтемақы төленеді. Одан бөлек баспанамен қамту, несиелерін өтеу мәселелері пысықталады.
Төтенше жағдайлар министрінің айтуынша, жұмысшы мен жұмыс беруші арасындағы еңбекшарты бойынша марқұмдардың отбасына 10 жылдық тіршілік шығыны ақшалай өтеледі. Қазір оқып жүрген студент балалары болса, оқу ақысын төлеу мәселесі де ескеріледі. Мұқтаж отбасыларға баспана беру жайы шешімін табатын болды.
Еске салайық, кеше «Абай» шахтасында метан газы тарауынан алты кенші қайтыс болды. Тағы екі адам зардап шегіп, 54 кенші аман есен сыртқа шығарылды.
