Мәулен Әшімбаев Рим папасы Францискпен кездесті

Сенат Төрағасы Мәулен Әшімбаев Мемлекет басшысының тапсырмасымен Рим папасы Францискпен кездесті. Ол Президенттің келесі жылға жоспарланған әлемдік және дәстүрлі діндер съезіне шақыртуын тапсырды. 2022 жылдың қыркүйегіне жоспарланған форумда дінбасыларының пандемиядан кейінгі адамзат дамуындағы ролі талқыланатынын айтқан. Понтифик Қазақстан президентінің шақыруына алғысын білдірген, жалпы, әлемдік және дәстүрлі діндер съезі маңызды бастама деген.

Мәулен Әшімбаев Римге сапары аясында Италия сенатындағы әріптестерімен парламентаралық ынтымақтастық туралы сөйлескен. Депутаттар екі мемлекеттің сауда-экономикалық, мәдени-гуманитарлық салалар, сонымен бірге жасыл экономика, туризм бойынша байланыстарын нығайтуға мүдделі екендерін айтқан.