Кентаулық тұрғындар жылусыз қалды

Күні кеше қалада жарық сөніп, тұрғын үйлер мен ғимараттарға жарты сағаттай жылу беру тоқтатылған. Салдарынан құбырларға мұз қатып, баспаналар суып кетті. Ал жекелеген үйлердің құбырлары шетінен жарылып, көшені су басты.

Илхам Икрамов, Кентау қаласының тұрғыны:

Жақында құбырды ауыстырды, 20 күн болды. Жылу келмейді. Үйден ашатын болсақ, фонтан шығады. Үйдің қабырғалары жарылып жатыр. Сағат сегізден бері хабарласып жатырмын. Нөмеріңізді жаздық дейді. Келмейді ешкім.

Ал қаланың жылуға жауапты мамандары бұған жарықтың сөніп қалуы себеп деп отыр. Қатты желден электр желілері үзіліп, оны қосу біраз қиындық тудырған. Қазір жылу беру реттеліп жатыр.

Әшірхан Төлеу, Кентау қалалық №5 жылу орталығының бас инженері:

Біз бірінші  кезекте көпқабатты үйлерді, балабақша, мектепті қамтимыз. Одан кейін  жер үйлерге жеткіземіз.