Елордада халықаралық «Жан шуақ» сыйлығы табысталды

Елордада халықаралық «Жан шуақ» сыйлығы табысталды. «Нұр Отан» партиясының «Кедергісіз келешек» жобасы аясында өткен шарада арнайы көрме ұйымдастырылды. Онда мәдениет, спорт, білім мен кәсіпкерлік саласында жетістікке жеткен жандар 7 аталым бойынша марапатталды. Мақсат - әлеуметтік кедергілерді жою мен ерекше қажеттілігі бар адамдардың проблемасына қоғамның назарын аудару. Ресми дерек бойынша елімізде мүгедектігі бар 700-ден астам адам өмір сүреді, олардың 25 пайызға жуығы жұмыспен қамтылған. Ал 2025 жылға қарай бұл көрсеткішті 30 пайызға жеткізу жоспарда бар.

Гүлмира Пармышева, әлеуметтік кәсіпкер:

Қарапайым анамын, осыдан 2,5 жыл бұрын үй жағдайында баламның дамуы үшін ойыншықтар шығарып, соның нәтижесін көріп жатырмын. Қазір Қазақстанда ғана емес, басқа елдерде жоғары бағаланып отырған ойыншықтар шығарып отырмыз. Бұл - аналогы жоқ ойыншықтар.