Жаңалықтарды Telegram арнамыздан оқыңыз!Түркістан облысында шаңды дауыл тұрып, ондаған адам жолда қалды.
Өңірдің құтқарушылары 42 адамды құтқарды. Оның төртеуі- бала. Шаңды дауылдың салдарынан Берген және Қаражантақ тас жолдарында көлік қозғалысы баяулап, кептеліс пайда болған. Аймақта төтеше жағдай мамандары, өрт сөндіру, коммуналдық мекеме қызметкерлері күшейтілген режимде жұмыс істеп жатыр.
Маңғыстау облысында да таңертеңнен бері қатты жел соғып, шаңды дауыл көтерілді. Салдарынан тас жолдарда жүру қиындаған. Көлік жүргізушілері, әсіресе, Бейнеу-Сайөтес бағытындағы жолда қауіптің күшейгенін айтуда. Осыған орай, полицейлер жүргізушілерге аса сақ болу керектігін ескертті.
Аягөз Оралбайқызы
