Елордада бір күнде 74 жол-көлік апаты тіркелді

Елордада өткен тәулікте 74 жол-көлік оқиғасы тіркеліп, бір адам зардап шекті. Апаттардың көбейуіне ауа райының қолайсыздығы себеп. Сондықтан полиция департаменті жүргізушілерді аса сақ болуға шақырады. Жол қозғалысы ережелерінің талаптарын мүлтіксіз сақтап, жылдамдық тәртібін асырмауды ескертеді. Жаңбырдан кейінгі тайғанақ жол аса қауіпті. Онымен қоса түнгі уақытта ауа температурасы төмендеп, жолдарға мұз қатуы мүмкін. Жүргізушілер көлік доңғалақтарын қысқы шиналарға ауыстыруы тиіс. Жаяу жүргіншілерге да сақ болу қажет дейді сақшылар. Ол үшін жолды тек белгіленген орындарда ғана өту керек. Қазгидромет мамандары алдағы күндері елордада жауын жауып, көктайғақ болуы мүмкін деп болжап отыр.