Басты Жаңалықтар Бокс: Асланбек Шымбергенов алғашқы жекпе-жегін жеңіспен аяқтады

Бокс: Асланбек Шымбергенов алғашқы жекпе-жегін жеңіспен аяқтады

27.10.2021 20:00

Асланбек Шымбергенов бокстан Әлем чемпионатындағы алғашқы жекпе-жегін жеңіспен аяқтады. Сербия астанасы Белградта өтіп жатқан жарыста жерлесіміз ирандық Фархад Моради Аташгахпен қолғап түйістірді. Қазақстандық боксшы жекпе-жекті сенімді бастады. Бірінші раунд соңына қарай қарсыласының қабағы жарылып, жарысты жалғастыра алмай қалды. Бұған дейін, жерлесіміз Сәкен Бибосынов та әлем біріншілігін сәтті бастағанын хабарлағамыз. Ол Олимпиада чемпионы, соңғы кездері кәсіпқой боксқа ауысқан өзбектің былғар қолғап шебері Хасонбой Дусматовпен кездесіп, үш раундта атой салып, айқын басымдықпен жеңді. Сонымен қатар Нұрқанат Райыс, Серік Теміржанов және Абылайхан Жүсіпов өз қарсыластарын жеңген болатын. Ал Әлем чемпионатын «QAZSPORT» телеарнасы тікелей эфирде көрсетіп жатыр.

Берік Көшербай

Бөлісу