Жаңалықтарды Telegram арнамыздан оқыңыз!Енді ел тұрғындары ішкі істер органдарына қатысты 40 мемлекеттік қызметтің 38-ін автоматты түрде ала алады. Бұл туралы Ішкі істер министрлігінің өкілдері арнайы брифингте мәлімдеді.
Саланы цифрландырудың арқасында азаматтар мемлекеттік органдардың жұмыс тәртібіне тәуелді болмады. Қызметті кез келген уақытта пайдалана алады.
Айта кетерлігі, биыл қазақстандықтар ішкі істер органдарына қатысты 500 мыңнан астам қызметті халыққа қызмет көрету орталығы арқылы алса, eGov порталы арқылы 800 мыңнан астам қызмет көрсетілген.
Сәкен Сәрсенов, ҚР Ішкі істер министрінің орынбасары:
Біз Ішкі істер министрлігінің көптеген қызметтерін электронды форматқа көшірдік. Құқық бұзу фактілер бойынша цифрлық деректер базасын құрдық, айыппұл туралы электронды хабарлама жүйесін іске қостық, жүйелерімізді басқа мемлекеттердің органдарының жүйесімен біріктірдік.
