Жаңалықтарды Telegram арнамыздан оқыңыз!
Қарақия ауданының шаруасы Нұрболат Темірбаевтың бір апта бұрын бірнеше малы аштан қырылған. Айтуынша, қуаңшылықтан далада отырған шаруалар зардап шегуде. Жерде шөп жоқ. Ішерге су жоқ. Сондықтан ол көпшіліктің атынан көмек сұрап, ұсыныстарын жеткізді. Тығырыққа тірелген шаруалар облыстағы табиғи қорықтардың аумағынан жайылымға жер берілгенін қалайды. 2100 теңгеден сатылып жатқан жемнің бағасын 1500 теңгеге түсіріп, қалғанын субсидиялауды сұрайды. Ал, құзырлы органдар болса, жуық арада малдың аштан өлу дерегі тіркелмегенін айтады. Жалпы жыл басынан бері қуаңшылықтың кесірінен өңірде 1196 түлік шығын болды.
Аягөз Оралбайқызы
