Жаңалықтарды Telegram арнамыздан оқыңыз!Павлодарға көмір жеткізілді. Кешеден бастап қалаға жүздеген тонна қатты отын әкелінді. Естеріңізге сала кетейік, бұған дейінгі жаңалықтарымызда қалада көмір тапшы болып, көліктердің бірнеше күннен бері кезекте тұрғанын айтқан болатынбыз. Ал, қала тұрғындары көмір сататын кәсіпорындарда ерекше сұранысқа ие Майкөбенің көмірі таптырмайды деп шағымданды. Бүгін жергілікті әкімшілік пен көмір өндіруші кәсіпорын өкілдері осы мәселеге қатысты түсінік берді.
Нұрлан Ахметбаев, «Майкөбе» көмір кенішінің бас директоры:
Қазіргі уақытта тәулігіне 110-115 көлікке көмір тиеп беріп жатырмыз. Өткен жылы да осылай болған. Кеше түстен кейін кезек күтіп қалған көліктердің бәрі кеніштен шығып кетті. Көмірдің тоннасын 7500 теңгеден босатып жатырмыз.Әзірге былтырғы бағаны ұстап тұрмыз. Көмір қоры бізде жеткілікті. Бүгінгі күні өнімді тиеп бере алмау, кезек күттіріп қою мәселелелері мүлдем жоқ-деп айта аламын.
Болат Аманбаев
