Жаңалықтарды Telegram арнамыздан оқыңыз!Ақтаулық оқушы күн энергиясы арқылы су жинайтын құрылғы ойлап шығарды. Қолдан жасалған шағын прототип бір тәулікте 200 мл су жинайды. Назарбаев Зияткерлік мектебінің 12-сынып оқушысы Ерлан Тұралы «Хайдрпанл» құрылғысын ұстазы Лизавета Хамитовамен бірге жасаған. Олар жобаны 2 жылда әзірлеп шықты. Құрылғы - күн панелі мен су генераторы арқылы ауадан тұщы су шығарады. Жобаны шынайы жүзеге асыру үшін, 2 миллион теңге қажет. Сол кезде қондырғы күніне 10 литр ауыз су өндіреді. Оны мектеп алаңына және қала көшелеріне қоюға болады дейді, жоба жетекшілері.
Ерлан Тұралы, Назарбаев зияткерлік мектебінің 12-сынып оқушысы:
Бұл құрылғы Маңғыстауда ауыз су тапшылығын жоюға көмектеседі. Жуырда ғана маған авторлық құқық берілді. Енді осы прототипті үлкейтеміз. Хайдрпанл күн сәулесінен ылғал жинайды. Сондықтан келесі жазға дейін нағыз қондырғыны дайындаймыз.
