Ғылыми кеңестердің шешімдерін апелляциялау институты қадағаламақ

Ғылыми жобалардың сәтті жүзеге асуы сол жобаларға бөлінетін қаржыға тікелей байланысты. Өткен жылы елімізде ғылым саласына жұмсалған ақша жалпы ішкі өнімнің 0,13 пайыз ғана болған. Бұл аздық етеді. 2025-ші жылға дейін бұл көрсеткішті 1 пайызға дейін көтеру көзделуде. Онымен қоса, ғылымның дамуына ұлттық ғылыми кеңестердің әділ шешімдері себеп болуда. Соңғы жылдары ғылыми кеңес шешімдері ашық дауыс беру арқылы тікелей байланыста іске асырылып жатыр. Бұл шаралар мемлекеттік қаржыландырудың ұтымды жобаларға берілуіне бағытталған. Ғылыми кеңестердің әділ жұмыс істеуін қадағалайтын тиісті орган да құрылмақ.

Жанна Құрманғалиева, ҚР Білім және министрлігі ғылым комитетінің төрайымы:

Жолдауда мемлекет басшысы осыған орай аппеляция институтын енгізу қажет деген тапсырма берген болатын бірінші қыркүйекте. Қазіргі таңда Үкімет тиісті "Ғылым туралы" Заңға тиісті өзгерістердің жобасын дайындап, Парламентке енгізді.