Павлодар облысында құс тұмауы тіркелді

Павлодар облысында құс тұмауы тіркелді. Тереңкөл ауданы , Березовка ауылында 200 ге тарта үй құсы жойылды. Мамандардың мәліметінше негізінен тауық пен қаз қырылған. Қазір құс иелеріне нарықтағы бағамен өтемақы төлеу қарастырылып жатыр.

Ғалым Бейсенов,  ветеринария басқармасы бөлім басшысының м.а.:

Бұдан бұрын сол аулада көгершін өлекселері табылған. Сол дала құсынан жұғуы мүмкін. 1-ші қазаннан бастап құстың қырылуы басталды. Дереу Астанаға сынамаларын жібердік. Сынама нәтижесін 8-ші қазан күні алдық. Құс тұмауы деп анықталды.

Ветеринарлық қызмет мамандары құс тұмауы тұтас ауылдан емес, бір ғана үйден шықты - деп сендіреді. Дегенмен, ресми емес мәліметтерге сүйенсек Павлодар қаласына қарасты Павлодарское ауылында да үй құстары қырылып жатыр деген ақпарат бар.

Болат Аманбаев