Жаңалықтарды Telegram арнамыздан оқыңыз!Елордалық полицейлер көпірден секірген, аяғы ауыр әйелді құтқарып қалды. Әлеуметтік желілерде тараған видеолардан мұны анық байқауға болады. Полиция басқармасы баспасөз қызметінің мәліметінше, кезекшілікте жүрген полицей Алмаз Құлтанов, сағат 12.20-лар шамасында Қабанбай батыр көшесіндегі көпірден секірмек болған әйелді байқаған. Орталыққа дереу хабар беріп, өзі қызды құтқаруға жүгіреді. Алайда, ол жеткенше, қыз 10 метр биіктіктен мұзды суға секіріп кеткен. Құлтанов та артынан өзенге секіріп, оны жағаға алып шықты. Қызға алғашқы медициналық көмек көрсетілген. Қазір 25 жастағы аяғы ауыр әйел ауруханада.
Армангүл Тоқтамұрат
