Жаңалықтарды Telegram арнамыздан оқыңыз!Мұнай өңдеу зауыттарына жөндеу жүргізуді кейінге шегеру қажет. Елде жанармай тапшылығы тууы мүмкін. Әуе компаниялары осындай ұсыныс айтып, қорда жанармай азайып жатқанын мәлімдеді.
Бұған дейін Энергетика министрлігі дизель өндірісін арттыру үшін қазан айында Шымкенттегі зауытта әуе жанармайын өндіру екі есе азаятынын хабарлаған. Бұдан бөлек, осы айда Павлодардағы зауытқа жөндеу жүргізілмек. Ал импорт тоқтап тұр. «Қазмұнайгаз» ішкі нарық 35 мың тонна керосинмен қамтылатынын айтты. Дегенмен тек бір ғана ірі әуе компаниясы айына 30 мың тонна жанармай тұтынады. Сонымен бірге қазір халықаралық рейстер де біртіндеп көбейіп жатыр.
Ақерке Бектас
