Қазақстан мен Еуропалық Одақ құқықтық ынтымақты арттырмақ

Әділет министрі Марат Бекетаев Брюссельде Еуропалық Одақтың Адам құқықтары жөніндегі арнайы өкілі Имон Гилмормен және Еуропалық сыртқы істер қызметінің өкілдерімен кездесті.

Кездесуде сот төрелігі жөніндегі Кіші комитет пен «Қазақстан – Еуропалық Одақ» Адам құқықтары жөніндегі диалог желісі аясында ынтымақты арттыру жайын талқыланды. Министр Еуропалық парламент депутаттарымен де бірқатар келіссөздер жүргізді. Еуродепутаттар Қазақстанның Ауғанстан халқына гуманитарлық көмек көрсету және БҰҰ институттарын қолдау бойынша күш-жігерін жоғары бағалайды. Бельгия үкіметінің мүшелері де Қазақстанмен құқықтық ынтымақтасты арттыру бойынша әріптестікті арттыруға дайын.

Нұрсұлу Қасым