Жамбыл облысында жол апатынан 6 адам қаза тапты

Жамбыл облысында жол апатынан 6 адам қаза тапты. Оқиға бүгін таңғы сағат 6 шамасында «Алматы-Ташкент» тас жолында болды. Жантүршігерлік жол апаты жайлы аймақтағы әріптесім Данияр Асқарұлы баяндасын

Данияр Асқарұлы, тілші:

Жантүршігерлік жол апаты Байзақ ауданы аумағынан өтетін үлкен күре жолдың бойында болып отыр. Алматы-Ташкент тас жолының 476 шақырымында Audi-А4 және Toyota Camry маркалы екі көлік қатты соқтығысқан. Бейнекөріністен байқағанымыздай автокөліктер қарсы бетке шығып кетіп қақтығысқан. Өкінішке орай 6 адам оқиға орнында жан тапсырған. "Toyota Camry" автокөлігіндегі жарақат алған Нұр-Сұлтан қаласының екі тұрғыны ауруханаға жеткізілген. Қолда бар ақпаратқа сүйенсек марқұм болған екі жүргізуші мен жолаушылар Тараз қаласының тұрғындары екені анықталды.

Темірбек Оразымбетов, Жамбыл облыстық ПД басшысының орынбасары:

 Жалпы Жамбыл облысында соңғы 8 айда осындай жол апаттарынан 139 адам қаза тапты. 1000-нан аса адам ауыр жарақат алған.