Риддер тұрғынының үйінен бірнеше қару-жарақ табылды

Шығыс Қазақстан облысы Риддер қаласында бір тұрғынның үйінен жауынгерлік қару-жарақтар табылды. «Учаске» деп аталатын жедел алдын алу іс-шарасы аясында күдіктінің үй-жайы тексерілген. Сол кезде 9 милиметр калибрлі қолдан жасалған тапанша, «Макаров» тапаншасының 23 оқ-дәрісі, Калашников автоматы, «ТТ» маркалы тапанша мен «Тирэкс» маркалы тапанша-пулемет табылған. Сондай-ақ оқу гранатасы және 2 пневматикалық қару тәркіленді. Тәртіп сақшылары күдіктінің бұл қаруларды қандай мақсатта сақтағанын анықтап жатыр.

Қайрат Әбдіғалиев, ШҚО ПД Криминалдық полиция басқармасының бастығы:
Қазіргі уақытта күдіктіге қатысты ҚР ҚК-нің 287-бабы бойынша сотқа дейінгі тергеу жүргізілуде, оның санкциялары 5 жылға дейін бас бостандығынан айыруды көздейді.