Алматыдағы атыс: Күдіктіге адвокат тағайындалды

Бес адамды ажал құштырған алматылық Игорь Дужновқа мемлекет адвокат тағайындады. Күдікті қазір тергеу изоляторында отыр. Тергеу соты ол тұтқындалғаннан кейін 72 сағат ішінде онлайн режимде өтеді. Оқиғаның себеп-салдары анықталып жатыр, тергеу құпиясына байланысты ақпарат жарияланбайды, -деді қорғаушы. Сондай-ақ күдіктінің әйелі отбасын үйден шығару туралы шешімге апелляциялық шағым түсірмек болды. Алайда, сот отырысы 5 қазанға шегерілді. Еске салайық, 20 қыркүйек күні Ақбұлақ ықшамауданындағы жер үйді босату туралы қаулыны орындауға барғандарға мүліктің бұрынғы қожайыны оқ атқан. Салдарынан 5 адам қаза тапты.

Нұрхан Нұрланұлы