Жаңалықтарды Telegram арнамыздан оқыңыз!Елордадағы «Қазақмыс» компаниясының бас ғимаратында шыққан өрттің себебі мен шығын көлемі әлі нақтыланған жоқ. Айта кетейік, зәулім ғимарат кеше кешкісін отқа оранған болатын. Қалалық төтенше жағдай департаментінің мәліметінше, өрт сөндіру қызметіне алғашқы хабарлама сағат 18:33-те түскен. Жеке құрам оқиға орнына 5 минуттан кейін жетті дейді мамандар. Тұран даңғылы бойындағы кеңседе болған оқыс оқиғаны ауыздықтап, өртті сөндіруге 44 адам мен 11 техника жұмылдырылған. Ғимараттың шатыры мен сыртқы қаптамасын жалын шарпыды.
Аягөз Фазылова, Нұр-Сұлтан қаласы ТЖД ресми өкілі:
Толығымен өрт 19:22-де өрт толығымен сөндірілді. Өрттен зардап шеккендер мен опат болғандар жоқ. Қазіргі уақытта өрттің залал көлемі анықталуда және себебі анықталуда.
Дарын Сағитов
