Павлодар өңірінде екпе алмаған мамандар жұмысқа жіберілмейді

Павлодар өңірінде екпе алмаған өндірістік кәсіпорын еңбеккерлері ПТР тест болмаса жұмысқа кірмейді. Облыстың бас санитарлық дәрігерінің жаңа қаулысында осылай делінген. Вакцина салдыру көрсеткіші бойынша облыс республика көлемінде 14-ші орында тұр. Тұрғындардың 57 пайызы екпе алған. Өңір бірнеше айдан бері қызыл аймақтар қатарында. Қалыптасқан ахуалды жақсарту мақсатында келген пандемиямен күрес жөніндегі «Ел үшін егілемін» Азаматтық штаб өкілдері аймақта вакцина салдыратын орындардың көбейетінін жеткізді.

Ержан Байтанаев,   санитарлық-эпидемиологиялық бақылау комитетінің ресми өкілі:

Халықтың вакцинацияға деген ықыласын кеше біраз аралап, халықпен сөйлесіп көрген кезде халықтың ынтасы бар, көтеріледі деген ойдамыз. Ертеңгі күннен бастап әуежай, теміржол вокзалдарында және базарларда вакцинациялау пунктері ашылады.

Болат Аманбаев