Жаңалықтарды Telegram арнамыздан оқыңыз!Үндістанның батысындағы Гүджарат штатында төпелеп жауған жаңбыр соңы алапат тасқынға ұласты. Бүгін түскен мәліметке қарағанда, одан үш адам қаза тауып, мыңдаған тұрғын үйлерін тастап кеткен. Талай ғимарат пен жолдар суға кетті. Қазір аймақта құтқару операциясы жалғасып жатыр.
Ал, АҚШ-тың Техас штатына «Николас» дауылы соққы берді. Жауындатып соққан тропикалық штормнан Джамайка жағажайы топан судың астында қалды. Дегенмен, құрбандар туралы мәлімет түскен жоқ.
Ал, Францияның оңтүстігінде жауын мен су тасқыны кезінде 2 адам жоғалып кетті. Мұнда да жолдар мен талай көліктерді су басып, Гард префектурасында құтқару операциясына 800-дей адам тартылды.
Арыстан Рысбек
