Басты Жаңалықтар Қызылорда облысында 18 мың гектар күріш алқабына орақ түсті

Қызылорда облысында 18 мың гектар күріш алқабына орақ түсті

14.09.2021 17:00

Қызылорда облысында егін жинау науқаны қызу жүріп жатыр. Бүгінде 18 мың гектар күріш алқабына орақ түсіп үлгерді. Жалпы биыл өңірде 83 мың гектардан астам жерге Сыр салысы егілген.

Аймақта алғаш болып егінге Жалағаш, Сырдария, Шиелі аудандарының диқандары орақ салды. Жазғы маусымда алқапқа су жеткізу қиынға соққанымен шығымдылық жаман емес. Әзірге, орташа есеппен әр гектардан 46,7 центнерден өнім жиналуда. Шаруашылықтар арзан жанар-жағармаймен қамтылған. Техника саны да жеткілікті. Енді шаруалар қара күзге дейін жиын-терімді аяқтап,қамбаны дәнге толтыруды көздеп отыр.

Асқар Бердібаев, шаруа қожалығының төрағасы:
Биылғы жылы енді судың аз болуына байланысты әр тараптандырумен жұмыс жасап, 150 гектар жерге күздік бидай ектік, 50 гектер мақсары ектік. 130 гектар жерге бау-бақша ектік. Межемізбен 55-60 центнерден өнім аламыз деп отырмыз.

Әділбек Серікұлы

Автор

Әділбек Серікұлы

Бөлісу