Екібастұзда мал ұрлығымен айналысқан қылмыстық топ ұсталды

Екібастұзда мал ұрлығымен айналысқан ірі қылмыстық топ ұсталды. Полиция оларды қырда жайылған бөтен малды сойып алып, қалаға кіре берген сәтінде қамауға алды. Оларды бұлтартпас айғақпен ұстау үшін арнайы операция жүргізілген. Күдіктілердің Екібастұзға жақын шаруашылықтан әр апта сайын 2 ірі қараны ұрлап, базарға шығаратыны анықталды. Қылмыстық топ құрамында базар сатушылары мен ветеринарлық қызмет мамандары да бар. Барлығы 10 адам.

Жасқайрат Қайыров, Полиция департаменті бастығының бірінші орынбасары:
Біреуі мал ұрласа, біреуі сатушы, үшіншісі құжаттарды дайындаған. Сол топтың арасында және ветеринарлық инспекторларда анықталды. Қазіргі уақытта қылмыстық топқа бірқатар мал ұрлығы мен оны сату бойынша айып тағылды.

Болат Аманбаев