Данияда барлық карантиндік шектеулер алынып тасталды

Данияда пандемияға байланысты енгізілген барлық шектеулер бүгін алынып тасталды. Халықтың 73 пайызы толықтай вакцина алған соң ел үкіметі осындай шешім қабылдаған. Енді тұрғындар мейрамханаға, сауда орындарына, түнгі клубтарға, қоғамдық орындарға маскасыз, ПТР тестсіз еркін кіре алады. Қалыпты өмірге оралған халықтың қуанышында шек жоқ. Көптен күткен күнді атап өту үшін ивент агенттіктер ертең ел астанасы Копенгагенде 50 мың адамға арналған концерт ұйымдастырмақ. Қазір Дания ауруханаларында ковидпен бар-жоғы 100 адам жатыр. Денсаулық сақтау министрі «эпидахуалды бақылауда ұстап отырғанын, шектеулер енді қайта енгізілмейтінін мәлімдеді.

Нұрсұлу Қасым