Жаңалықтарды Telegram арнамыздан оқыңыз!
«Болашақ» халықаралық стипендиясы 196 үміткерге тағайындалды. Олар магистратура, докторантура, резиндентура бойынша білім алады. Сондай-ақ әлемнің жетекші ғылыми және өндіріс орталықтарына тағылымдамадан өтуге жіберіледі.
Бұл туралы Мемлекеттік хатшы Қырымбек Көшербаевтың төрағалығымен өткен Шетелде кадрлар даярлау жөніндегі республикалық комиссияның отырысында белгілі болды. Үміткерлер Ұлыбритания, АҚШ, Канада, Жапония сынды 16 мемлекеттің озық оқу орындарында академиялық білім алады. Мемлекеттік хатшы «Болашақ» стипендиасы иегерлерінің оқу және еңбекпен өтеу барысын бақылау жұмысын қатаңдатуды тапсырды. Айта кетейік, 28 жыл ішінде аталған бағдарлама аясында 11 мыңнан астам жоғары кәсіби маман даярланды.
Айнұр Кәрібозова, «Халықаралық бағдарламалар орталығы» АҚ президенті:Басымдық мамандықтар жеті бағытта айқындалды. Олар жаңа технологиялар, инновациялар, өндірістік инжиниринг, білім беру, денсаулық сақтау және жаңа бағыт, бұл – креативтік индустрия.
Дарын Сағитов
