Өзбекстанда COVID-ке қарсы вакциналаудан кейін өлім тіркелген жоқ

Өзбекстанда коронавирусқа қарсы вакциналаудан кейін бірде-бір өлім тіркелген жоқ. Бұл туралы көрші елдің ковидке қарсы штабының мүшесі Севара Убайдуллаева мәлімдеді. Оның сөзінше, әлеуметтік желіде вакцинадан кейін жағдайы нашарлады немесе қайтыс болды деген сарында кеңінен тараған бейнеүндеулерді зерттейтін арнайы жұмыс топтары құрылған.

Нәтижесінде, жанама әсерлер мен өлім-жітімнің ешбірінің вакцинаға қатысы жоқтығы расталды. Сондай-ақ, маман екпе салдыртуға қарсы көрсетілімі бар пациенттерге вакцина салынбайтынын ал, кей адамдарда болатын аллергиялық реакциялардың қалыпты екенін атап өтті.

Айта кетейік, Өзбекстанда жаппай вакциналау 1 cәуірде басталып, бүгінде 2 миллион адам коронавирусқа қарсы екпені толық салдырды.