Жаңалықтарды Telegram арнамыздан оқыңыз!Отандық өнеркәсіп үшін шикізат тауарларының бағасы қолжетімді, ал көлемі жеткілікті болуы тиіс. Мемлекет басшысы жолдауында үкіметке жыл соңына дейін осы мәселенің шешімін табуды тапсырды.
Алматыдағы бұл кәсіпорын метал бұйымдарының 30-ға жуық түрін шығарады. Дайын өнімдер елімізден бөлек, Қырғызстан, Тәжікстан мен Ресейге экспортталуда. Айына 3 мың тонна шикізат көзін Қарағандыдан алдыртады. Зауыт басшысының айтуынша мемлекет басшысының шикізаттың бағасы мен көлеміне көңіл аударғаны кәсіпкерлерге үлкен қолдау болмақ. Себебі, өндірілетін тауарлардың қолжетімділігі тікелей осы шикізатқа байланысты дейді кәсіпкер.
Долқунтай Абдулхалил, зауыт басшысы:Шикізат арзан болса өндіруші өзінің үлесін ала алады. Ал егер шикізат қымбат болатын болса нарықта да тауардың бағасы қымбат болады. Сондықтан орынды жолдау болды. Мен сияқты өндіруішлер мұны қолдайды. Шикізат өзімізден шыққанда арзан алынғанда, өзімізден шыққанда біздің зауыттарымыз үлкен жетістіктерге жетеді.
Қуан Нұрақын
